
ჩოხატაურის მუნიციპალიტეტის სოფელ შუასურების საჯარო სკოლაში მოსწავლეთა მრავალმხრივი განვითარების, ცოდნის წარმოჩენისა და მოტივაციის ამაღლების მიზნით, საინტერესო კონკურსები და ინტელექტუალური თამაშები იმართება.
ამჯერად, სკოლაში, მასწავლებელ მაყვალა ტრაპაიძის ხელმძღვანელობით, ვიქტორინა - „ჩვენ და მათემატიკა“ ჩატარდა.
ვიქტორინა საინტერესო, ლოგიკურ კითხვებსა და მრავალფეროვან სასწავლო აქტივობებს მოიცავდა.
აღნიშნულ თამაშში მოსწავლეები დიდი მონდომებით იყვნენ ჩართულნი - მათ ცოდნა და შესაძლებლობები შესანიშნავად წარმოაჩინეს.
ვიქტორინაში მონაწილეობისთვის მოსწავლეები სიგელებით დაჯილდოვდნენ.
აღსანიშნავია, რომ მსგავსი აქტივობები მოსწავლეთა ცოდნის გაღრმავებას ხელს უწყობს.
იხილეთ ფოტოები: