ორჯის საჯარო სკოლის მოსწავლეებმა გეოგრაფიასა და ისტორიაში შეძენილი ცოდნა, ტრადიციად ქცეულ ვიქტორინაზე წარმოაჩინეს
14-06-2023
ახალქალაქის მუნიციპალიტეტის სოფელ ორჯის საჯარო სკოლაში, მასწავლებელ - ვარდითერ იუზბაშიანის ხელმძღვანელობით, ვიქტორინა მოეწყო.
აღსანიშნავია, რომ სკოლაში ვიქტორინა ტრადიციულად, სასწავლო წლის ბოლოს იმართება. ამჯერად, ვიქტორინა გეოგრაფიასა და ისტორიაში ჩატარდა.
როგორც სკოლაში გვიყვებიან, ვიქტორინის პირველ ეტაპზე ერთმანეთს მე-7 და მე-8 კლასის მოსწავლეები დაუპირისპირდნენ.
2 ქულის განსხვავებით მე-8 კლასის მოსწავლეებმა გამარჯვება მოიპოვეს და ფინალში გადავიდნენ.
მომდევნო დღეებში დაიგეგმა მეორე ეტაპი და ერთმანეთს მე-9 და მე-10 კლასის მოსწავლეები დაუპირისპირდებიან.
სკოლაში მოსწავლეებს წარმატებასა და წინსვლას უსურვებენ.
იხილეთ ფოტოები:
სკოლების სიახლეები
