ნინოწმინდის მუნიციპალიტეტის სოფელ განძის N2 საჯარო სკოლის XI კლასის მოსწავლე სუსანნა დურგარიანმა საქართველოს ეროვნულ ინტელექტ-ჩემპიონატ „ეტალონში“ ბრწყინვალედ იასპარეზა.
სუსანნა დურგარიანი „ნინოწმინდის ეტალონი მოსწავლის“ ტიტულის მფლობელი გახდა.
გამარჯვებული მოსწავლე მუნიციპალიტეტს წარადგენს LIVE ვიდეო-ფორმატის კონკურსში და სხვა მუნიციპალიტეტების გამარჯვებულებს შეეჯიბრება.
სკოლაში მოსწავლის წარმატებით ამაყობენ და მას წინსვლას უსურვებენ.
„ვულოცავთ, ჩვენს სუსანნას და ახალ წარმატებებს ვუსურვებთ“,- აღნიშნავენ სკოლაში.
შეგახსენებთ, რომ კონკურსის პირველი და მეორე ეტაპები ტესტირების სპეციალური პორტალის საშუალებით გაიმართა. ინტელექტუალურ კონკურსი მუნიციპალიტეტებისა და თვითმმართველი ქალაქების მიხედვით 16 მაისიდან დაიწყო და ივლისის ჩათვლით გაიმართება.
სახალხო პროექტის უცვლელი მხარდამჭერია საქართველოს განათლებისა და მეცნიერების სამინისტრო.
