„ჩვენ დავბრუნდებით!“ - ქვედა ბახვის საჯარო სკოლის მოსწავლეებმა აფხაზეთის ისტორიული წარსულის, კულტურის, ღირსშესანიშნაობების შესახებ ინფორმაცია მოიძიეს
ოზურგეთის მუნიციპალიტეტის სოფელ ქვედა ბახვის საჯარო სკოლა პროექტების სასკოლო კვირეულში - „ჩემი თვალით დანახული აფხაზეთი“ ჩაერთო.
პროექტის ფარგლებში, მოსწავლეებმა მოიძიეს მასალები აფხაზეთის ისტორიული წარსულის, კულტურის, ღირსშესანიშნაობების, ბუნების შესახებ. ბავშვებმა მოაწყვეს პრეზენტაცია. ჩატარდა ნახატების გამოფენა-კონკურსი.
სკოლის მოწაფეებმა წაიკითხეს გურამ ოდიშარიას რომანი - „სოხუმში დაბრუნება“, გამართეს დისკუსია, მოამზადეს ელექტრონული პრეზენტაცია და წარმოადგინეს ლიტერატურულ-მხატვრული კომპოზიცია - „ჩვენ დავბრუნდებით!“.
მოსწავლეებმა წარმოაჩინეს თავიანთი ხედვა, სურვილები, ოცნებები, რომ აფხაზეთი საქართველოა, რომ აუცილებლად უნდა დავბრუნდეთ სოხუმში...
აქტივობების ხელმძღვანელი პედაგოგები: ქართული ენისა და ლიტერატურის მასწავლებელი იამზე დოლიძე, ხელოვნების პედაგოგი თამაზ დარჩია.
იხილეთ ვიდეო: