სადმელის საჯარო სკოლის გოგონათა გუნდმა, მაგიდის ჩოგბურთში, სასკოლო ოლიმპიადის დასავლეთ საქართველოს თამაშებში II ადგილი დაიკავა
14-06-2023
ამბროლაურის მუნიციპალიტეტის სოფელ სადმელის საჯარო სკოლაში მოსწავლეთა სპორტულ წარმატებას აღნიშნავენ.
სკოლის გოგონათა გუნდმა, მაგიდის ჩოგბურთში, სასკოლო სპორტული ოლიმპიადის დასავლეთ საქართველოს თამაშებში წარმატებით იასპარეზა.
მაგიდის ჩოგბურთში, სასკოლო სპორტული ოლიმპიადა 2023-ის დასავლეთ საქართველოს თამაშები მუხრან ვახტანგაძის სახელობის ბათუმის სპორტის სასახლეში გაიმართა, სადაც რეგიონების ჩემპიონი გუნდები მონაწილეობდნენ.
ამბროლაურის მუნიციპალიტეტის სოფელ სადმელის საჯარო სკოლის გოგონათა გუნდმა II საპრიზო ადგილი დაიკავა.
გუნდის წევრები არიან - ანი მეტონიძე, ანი რატიანი, ქეთევან ბაზაძე, ანასტასია მიქიაშვილი, მათი მასწავლებელი კი გია თომაძე გახლავთ.
სადმელის საჯარო სკოლა ულოცავს ამ გამარჯვებას მოსწავლეებს და მასწავლებელს.
იხილეთ ფოტოები:
სკოლების სიახლეები
