აბაშის მუნიციპალიტეტის სოფელ ეწერის საჯარო სკოლაში ეროვნული დღესასწაულები ყოველთვის განსაკუთრებულად აღინიშნება.

გამონაკლისი არც დედაენის დღე ყოფილა, მოსწავლეებმა ამ დღესთან დაკავშირებით სასწავლო სივრცე მრავალფეროვნად მორთეს, ერთნაირი მაისურებით შეიმოსნენ, რომლებზეც ქართული ასო-ბგერები იყო გამოსახული. 

მოსწავლეებმა, დედაენის დღის მნიშვნელობაზე ისაუბრეს, მისი დაარსების ისტორია გაიხსენეს და ამ კუთხით ცნობიერება მეტად აიმაღლეს.

მოსწავლეებისთვის დღე შემოქმედებითი, ემოციებით დატვირთული და დასამახსოვრებელი აღმოჩნდა.