ძირკვაძეების საჯარო სკოლის დირექტორმა და პედაგოგებმა მოსწავლეებს განსაკუთრებული დღესასწაული აჩუქეს
13-06-2023
ხულოს მუნიციპალიტეტის სოფელ ძირკვაძეების საჯარო სკოლის მოსწავლეები აქტიურად ეცნობიან ბავშვთა უფლებების კონვენციას და ამ კუთხით ცნობიერების დონეს იმაღლებენ.
სწორედ ამიტომ, სკოლაში ბავშვთა დაცვის საერთაშორისო დღე განსაკუთრებულად აღინიშნა.
ეს დღე მოსწავლეებმა, სხვადასხვა აქტივობებით, სიხარულით აღნიშნეს. მრავალფეროვანი ნახატები დახატეს, ლექსები მხატვრულად წაიკითხეს, ორგანიზატორის მითითებით სახალისო ცეკვა-თამაში შეასრულეს.
აღსანიშნავია, რომ სკოლის დირექტორმა და პედაგოგებმა, პატარებს ეს დღე დიდი სიყვარულით მიულოცეს და მათ ბედნიერი და ლაღი ბავშვობა უსურვეს.
„ყველა ბავშვს აქვს უფლება ბედნიერი იყოს. იცხოვროს თავისუფალ და ბედნიერ ქვეყანაში. მშვიდობა მსოფლიოს ყველა ბავშვს“ - აღნიშნავენ სკოლაში.
იხილეთ ფოტოები:
სკოლების სიახლეები
