ახალქალაქის მუნიციპალიტეტის სოფელ ხულგუმოს საჯარო სკოლის პედაგოგები მოსწავლეებს მრავალმხრივი განვითარებისა და სხვადასხვა საკითხთან დაკავშირებით, ცნობიერების ამაღლების მიზნით, საინტერესო აქტივობებს სთავაზობენ.
ამჯერად, მე-9 კლასის მოსწავლეებმა, პედაგოგ ანნა პეტროსიანის ხელმძღვანელობით, სამოქალაქო განათლების გაკვეთილზე ფილმს - „ვილი ვონკას შოკოლადის ქარხანა“ უყურეს.
როგორც სკოლაში აღნიშნავენ, ეს ფილმი თემას ეხმაურება და აჩვენებს თუ როგორი უნდა იყოს მეწარმე: ყურადღებიანი, რისკიანი, ორგანიზებული და შრომისმოყვარე.
„გარდა ამ თვისებებისა ასევე გასათვალისწინებელია წარმოების ფაქტორები“, - აღნიშნავენ სკოლაში.
ეს ფილმი, როგორც სკოლაში გვიყვებიან, მოსწავლეებისთვის მოტივაციის მიმცემი იყო.
„ბავშვებს ფილმი ძალიან მოეწონათ და მას სიამოვნებითა და ინტერესით უყურეს“, - ამბობენ სკოლაში.
როგორც სკოლაში გვიყვებიან, ერთ-ერთი მოსწავლე - ნინა ლევანიანი იმდენად იყო ვილი ვონკას გმირით შთაგონებული, რომ პლაკატი შექმნა.
დღე მოსწავლეთათვის საინტერესო, დასამახსოვრებელი და ინფორმაციული იყო.
იხილეთ ფოტოები:
