ჭიათურის მუნიციპალიტეტის სოფელ ითხვისის N2 საჯარო სკოლის IX კლასის მოსწავლეთა ინიციატივით ინგლისური ენისა და სპორტის საგნების ინტეგრირებული კომპლექსური დავალების ფარგლებში „მარათონული რბოლა“ მოეწყო.
მარათონი 9 ივნისს გაიმართა.
აღსანიშნავია, რომ ღონისძიების მიზანი იყო სასკოლო და სოფლის საზოგადოების გაერთიანება და მათში ჯანსაღი ცხოვრების წესის პოპულარიზაცია.
IX კლასის მოსწავლეებმა, დაამზადეს პოსტერები, სიგელები, მედლები და მარშრუტის მომნიშვნელი ბანერები.
მარათონში, სკოლის ყველა საფეხურის მოსწავლე, მასწავლებლები, მშობლები და უბნის მცხოვრებლები დიდი ინტერესითა და სიამოვნებით ჩაერთნენ.
აღსანიშნავია, რომ მარათონის ბოლოს, მედლები და სამახსოვრო საჩუქრები გადაეცა I, II და III საპრიზო ადგილების მფლობელებს, ასევე ყველაზე პატარა (6 წლის) და უხუცეს (81 წლის) მონაწილეს.
როგორც სკოლაში აღნიშნავენ პროექტის გრძელვადიანი მიზანია მარათონული რბენის ტრადიციიად დამკვიდრება.
იხილეთ ფოტოები:
