ქარელის მუნიციპალიტეტის სოფელ ზემო ხვედურეთის საჯარო სკოლის მეოთხეკლასელები პირველ მასწავლებელს ემშვიდობებიან. ეს ემოციური და მნიშვნელოვანია როგორც მოსწავლეებისთვის, ასევე პედაგოგებისთვის.
ამასთან დაკავშირებით, მე-4 კლასში პედაგოგ მზია ჯავახიშვილის ხელმძღვანელობით, ღონისძიება მოეწყო.
ზეიმზე მოსწავლეებმა იმღერეს, იცეკვეს, შემოქმედებითი უნარები წარმოაჩინეს და დრო ხალისიანად გაატარეს.
მეოთხეკლასელებმა პედაგოგის ღვაწლი აღნიშნეს - მას გაწეული შრომისა და ამაგისთვის, რომელიც მათ განათლებაში ჩადო მადლობა გადაუხადეს.
„ბავშვები გულთბილი სიტყვებით დაემშვიდობნენ საყვარელ მზია მასწავლებელს, რომელმაც ოთხი წელი თავდაუზოგავად გაატარა მათთან“, - აღნიშნავენ სკოლაში.
დღე მოსწავლეთათვის საინტერესო, ემოციური და დასამახსოვრებელი იყო.
აღსანიშნავია, რომ მსგავსი ღონისძიებები მოსწავლეთა მრავალმხრივ განვითარებას ხელს უწყობს.
იხილეთ ფოტოები:
