სიღნაღის მუნიციპალიტეტის სოფელ ბოდბისხევის საჯარო სკოლაში მოსწავლეთა მონაწილეობით სხვადასხვა სპორტული შეჯიბრი თუ აქტივობა იმართება.
ამჯერად, სკოლაში შიდასასკოლო ჩემპიონატი ფეხბურთში ჩატარდა, სადაც ერთმანეთს VII-VIII-IX-X-XI კლასების მოსწავლეები შეეჯიბრნენ.
„თამაში ანგარიშით - 7:4 დასრულდა, ლურჯი მაისურებით მოთამაშეების სასარგებლოდ“, - გვიყვებიან სკოლაში.
ჩემპიონატში ბავშვები დიდი მონდომებით, ინტერესითა და ხალისით მონაწილეობდნენ.
„დიდ მადლობას ვუხდით შიდასასკოლო ჩემპიონატის ჩატარების ორგანიზატორს და სპორტის მასწავლებელს - ბესარიონ ქვრივიშვილს სკოლაში სპორტული შეჯიბრის მოწყობისთვის. სკოლის მოთამაშე გუნდებს კი ვუსურვებთ შემდგომ ასპარეზზე წარმატებას და გამარჯვებას“, - აღნიშნავენ სკოლაში.
მსგავსი აქტივობები მოსწავლეთა მრავალმხრივ განვითარებასა და სპორტისადმი სიყვარულის გაღვივებას უწყობს ხელს.
იხილეთ ფოტოები:
