ზესტაფონის N7 საჯარო სკოლაში აქტიურად ფუნქციონირებს ლიტერატურული კლუბი, რომლის ხელმძღვანელიც მოსწავლეებს სხვადასხვა საინტერესო აქტივობას სთავაზობს.
„ორი დღე ინტერნეტის გარეშე!“ - ეს იყო მთავარი დევიზი ლაშქრობისა, რომელიც სკოლის ლიტერატურული კლუბის ხელმძღვანელმა - ირინე ბერაძემ განახორციელა.
ლაშქრობა, როგორც სკოლაში გვიყვებიან, ხარაგაულის სპორტისა და შიდა ტურიზმის ცენტრთან არსებულ ტურისტულ ჯგუფ „მოხეტიალებთან“ ერთად დაიგეგმა.
„ორი დღის განმავლობაში, ჩვენი სკოლის X-XI კლასების მოსწავლეებმა დალაშქრეს ბორჯომ-ხარაგაულის ეროვნული პარკის ულამაზესი ბუნება“, - გვიყვებიან სკოლაში.
მათ საინტერესო ადგილები მოინახულეს, დრო კი ხალისიანად და ნაყოფიერად გაატარეს.
ბავშვებმა, ასევე, აღნიშნულ დღეს მუსიკალური ნომრები - სიმღერები შესანიშნავად შეასრულეს და შემოქმედებითი შესაძლებლობები წარმოაჩინეს.
„ამ ღონისძიების მთავარი მიზანი იყო მოსწავლეების მოწყვეტა ინტერნეტ სივრციდან დროებით მაინც და კიდევ ერთხელ იმის გაცნობიერება, რომ არაფერი შეედრება რეალურ ურთიერთობებს“, - აღნიშნავენ სკოლაში.
მსგავსი ღონისძიებები და აქტივობები მოსწავლეთა მრავალმხრივ განვითარებას ხელს უწყობს.
იხილეთ ვიდეო:
