ხაშურის N7 საჯარო სკოლაში მოსწავლეთა ეკოცნობიერების ამაღლებას მნიშვნელოვანი ყურადღება ექცევა. პედაგოგები მოსწავლეებს გარმეოს დაცვასა და მოფრთხილებას ასწავლიან. სწორედ ამასთან დაკავშირებით, სკოლაში საინტერესო პროექტები და ღონისძიებები იმართება.
ამჯერად, სკოლის II ა კლასში ღონისძიება თემაზე- „ვინც დამიცავს, ვინც მომივლის, მე ვარ მისი დედამიწა“ ჩატარდა.
კლასის პედაგოგი ლია ციცქიშვილი გახლავთ. ღონისძიება მუსიკალურად კი ნონა ტეფნაძემ გააფორმა.
„საკითხი მიემართებოდა მდგრადი განვითარების მე-6 და მე-15 მიზნისაკენ“, - ამბობენ სკოლაში.
ღონისძიებაზე მოსწავლეებმა სხვადასხვა როლი შესანიშნავად გაითამაშეს და შემოქმედებითი უნარები წარმოაჩინეს.
„ბავშვებმა როლები მოირგეს და გაემართნენ დედამიწის დასახმარებლად“, - აღნიშნავენ სკოლაში.
ისინი აღნიშნულ აქტივობებში დიდი მონდომებით, ხალისითა და ინტერესით მონაწილეობდნენ.
„საბოლოოდ მათ დაასკვნეს: „გავუფრთხილდეთ ბუნებას, ვიზრუნოთ გარემოს სისუფთავეზე და გადავარჩინოთ დედამიწა“, - გვეუბნებიან სკოლაში.
მსგავსი აქტივობები და ღონისძიებები მოსწავლეთა მრავალმხრივ განვითარებას ხელს უწყობს.
იხილეთ ფოტოები:
