ზუგდიდის მუნიციპალიტეტის, ჯუმის საჯარო სკოლის პედაგოგები და სკოლის ხელმძღვანელობა ცდილობენ, მოსწავლეებმა არა მხოლოდ მიიღონ საფუძვლიანი განათლება, არამედ ბავშვები აქტიურად იყვნენ ჩართულები სასკოლო ცხოვრებაში; პედაგოგები მოსწავლეებს, მოტივაციის ამაღლებისა და მრავალმხრივ განვითარების მიზნით, სხვადასხვა საინტერესო აქტივობას სთავაზობენ და ამის ნათელი დადასტურებაა ის მინისპექტაკლი, რომელიც მე-7 კლასის მოსწავლეებმა ქართული ენისა და ლიტერატურის მასწავლებლის - ნინო ხორავას ხელმძღვანელობით, სკოლის კედლებში გაითამაშეს.
გოდერძი ჩოხელის ნაწარმოების - „ბებოს“ მიხედვით დადგმულმა საოცარმა სანახაობამ დამსწრე საზოგადოებს აღფრთოვანებ დაიმსახურა:
„სპექტაკლზე მოსწავლეებმა შემოქმედებითი და საკომუნიკაციო უნარები გამოავლინეს, საოცარი გამომეტყველებითა და ჟესტიკულაციით შეძლეს პერსონაჟების ემოციებისა და სათქმელის შინაარსის გადმოცემა“, - ასე გამოეხმაურა სკოლა ბავშვების მიერ დადგმულ სპექტაკლს, რომელსაც სასკოლო თემის წარმომადგენლები ესწრებოდნენ.
ჯუმის საჯარო სკოლის დირექტორმა - ირმა ბუკიამ კი მადლობა გადაუხადა მოსწავლეებსა და ნინო მასწავლებელს სპექტაკლის საინტერესოდ წარმოჩენისათვის.
აღსანიშნავია მსგავსი აქტივობები და ღონისძიებები მოსწავლეთა შემოქმედებითი უნარების წარმოჩენისა და განვითარებისთვის მნიშვნელოვანია, რაზეც სასკოლო საზოგადოება ზრუნავს.
იხილეთ ფოტოები:
