ხელვაჩაურის მუნიციპალიტეტის სოფელ თხილნარის N2 საჯარო სკოლაში მეთორმეტეკლასელებისთვის „ბოლო ზარი“ საზეიმო ვითარებაში დაირეკა.
მოსწავლეებმა ერთმანეთს თეთრ მაისურებზე სამახსოვროდ საუკეთესო სურვილები დაუტოვეს და წარმატებები უსურვეს.
მოსწავლეებმა სკოლაში გატარებული 12 წელი გაიხსენეს და პედაგოგთა ღვაწლი აღნიშნეს, რომელთაც უდიდესი წვლილი მიუძღვით მათ განათლებაში.
დღე ემოციური იყო, როგორც მოსწავლეების ასევე პედაგოგებისთვის.
როგორც სკოლაში გვიყვებიან, იყო ბევრი ცრემლი სიხარულისა და სევდის.
პედაგოგებმა და დირექციამ მეთორმეტეკლასელები სკოლიდან დიდი სიყვარულით გააცილეს და ცხოვრების ახალ ეტაპზე წარმატება უსურვეს.
„მოსწავლეები გამოემშვიდობნენ მშობლიურ სკოლას, კლასს, მერხს, მასწავლებლებსა და გული სწყდებათ. თუმცა, დამოუკიდებელი ცხოვრებისკენ პირველი ნაბიჯების გადადგმაც სასიხარულოა და ყველაზე მთავარი – სტუდენტობისთვის მზადება, ძალიან გვიყვარხართ! ვისურვებდით, რომ ჩვენს სკოლაში მიღებული ცოდნა და გამოცდილება ყოფილიყოს თითოეული თქვენგანის წარმატების საწინდარი!“, - განაცხადა კლასის დამრიგებელმა გულიკო თურმანიძემ.
იხილეთ ფოტოები:
