ახალქალაქის მუნიციპალიტეტის სოფელ პატარა სამსარის საჯარო სკოლაში პირველკლასელებმა სასწავლო წელი წარმატებით დაასრულეს.
აღნიშნულ დღეს, სკოლაში, პირველკლასელთა მონაწილეობით საინტერესო და მრავალფეროვანი ღონისძიება ჩატარდა.
ღონისძიებას ქართულის, როგორც მეორე ენის მასწავლებელი - გაიანე ოვსეპიანი და მშობლიური ენის მასწავლებელი - მარია ჰარუთუნიანი ხელმძღვანელობდნენ.
მოსწავლეებმა აღნიშნული ზეიმით, ქართულის, როგორც მეორე ენისა და მშობლიური ენის ანბანი „გააცილეს“.
ზეიმზე მათ ცოდნა წარმოაჩინეს - ლექსები წაიკითხეს, იმღერეს, იცეკვეს. მათ შემოქმედებითი შესაძლებლობები შესანიშნავად გამოავლინეს.
ღონისძიება, როგორც სკოლაში გვიყვებიან, საინტერესო, სახალისო და დასამახსოვრებელი იყო.
მსგავსი ღონისძიებები მოსწავლეთა შემოქმედებითი უნარების წარმოჩენისა და განვითარებას ხელს უწყობს.
იხილეთ ფოტო-ვიდეომასალა:
