ახალქალაქის მუნიციპალიტეტის სოფელ ალათუმანის საჯარო სკოლის პედაგოგები და მოსწავლეები სხვადასხვა პროექტში აქტიურად მონაწილეობენ.
ამჯერად, სკოლის ქართულის, როგორც მეორე ენის მასწავლებელი - დალი ბოლქვაძე და სკოლის ლიტერატურული კლუბის წევრები ეროვნულ კონფერენციაში მონაწილეობდნენ, რომლის თემა - „არაფორმალური განათლების როლი ფორმალურ განათლებაში“ იყო.
მათ განიხილეს თემა - „განათლება წინათ და ახლა ალათუბანში“.
კონფერენცია კოთელიის საჯარო სკოლაში ჩატარდა.
კონფერენციის ორგანიზატორები ტურცხისა და კოთელიის საჯარო სკოლის ქართული ენის მასწავლებელი - თამუნა დევდარიანი და ტურცხის საჯარო სკოლის დირექტორი - შორენა აკოფაშვილი იყვნენ.
აღნიშნულ კონფერენციაში ასევე ახალქალაქის სკოლების სხვა მასწავლებლები და მოსწავლეები მონაწილეობდნენ.
კონფერენციის მონაწილეებს სერტიფიკატები გადაეცათ.
აღსანიშნავია, რომ სკოლაში მოსწავლეთა და მასწავლებელთა წარმატებას მუდამ მხარს უჭერენ.
იხილეთ ფოტოები:
