ზესტაფონის N1 საჯარო სკოლაში მეოთხეკლასელები 15 ივნისს პირველ მასწავლებელს ემშვიდობებიან. ეს როგორც მოსწავლეთა, ასევე პედაგოგ - ლელა კაკოიშვილისთვის ემოციური მოვლენაა.
ამასთან დაკავშირებით, სკოლაში ღონისძიება ჩატარდა, რომელსაც ლაიტმოტივად სიტყვები - „ოთხი წლის ამაგს სათუთად ვუვლით, მერე რა, თუ დღეს წარსულს ბარდება!“ გასდევდა
ბავშვებმა ღონისძიებაზე შესაძლებლობები შესანიშნავად წარმოაჩინეს - ლექსები წაიკითხეს, იმღერეს, იცეკვეს და დამსწრე საზოგადოების დიდი მოწონება დაიმსახურეს.
„მე-4 ბ კლასის მოსწავლეებმა, თავიანთ დამრიგებელ ლელა კაკოიშვილთან ერთად, ემოციური და ძალიან ლამაზი საღამო გვაჩუქეს“, - გვიყვებიან სკოლაში.
დღე ემოციური და დასამახსოვრებელი იყო იქ მყოფი თითოეული ადამიანისთვის.
„წარმატებას ვუსურვებთ ჩვენს თვალმერცხალა გოგო-ბიჭებს! მათი სასკოლო ცხოვრების ახალი ეტაპიც აღნიშნულიყოს განსაკუთრებული წარმატებითა და ნაყოფიერებით! მუდამ ლაღნი და ბედნიერნი ყოფილიყვნენ!“, - აღნიშნავენ სკოლაში.
იხილეთ ფოტოები:
