თბილისის N103 საჯარო სკოლის პირველკლასელებმა სასწავლო წელი წარმატებით დაასრულეს.
აღნიშნულ დღეს მოსწავლეთა მონაწილეობით ღია ცის ქვეშ მრავალფეროვანი ღონისძიება მოეწყო.
„წარმატებით გაიარა სკოლასთან შეგუებისა და სასწავლო უნარ-ჩვევების ჩამოყალიბების საწყისმა ეტაპმა სასკოლო ღონისძიებებით გასვლითი გაკვეთილებით, ანბანის გაცნობითა და სხვადასხვა აქტივობით“, - აღნიშნავენ სკოლაში.
ღონისძიებაზე პირველკლასელებმა ნასწავლი გამოავლინეს, ლექსები წაიკითხეს, მუსიკალური ნომრები - ცეკვები, სიმღერები შესანიშნავად შეასრულეს და დამსწრე საზოგადოების დიდი მოწონება დაიმსახურეს.
დღე ემოციური, დასამახსოვრებელი და საინტერესო იყო იქ მყოფი თითოეული ადამიანისთვის.
„გილოცავთ ამ ეტაპის წარმატებით დასრულებას. გისურვებთ საინტერესო და მხიარულ არდადეგებს“, - კიდევ ერთხელ ულოცავენ პირველკლასელებს სასწავლო წლის წარმატებით დამთავრებას სკოლაში.
მსგავსი ღონისძიებები, აქტივობები მოსწავლეთა შემოქმედებითი უნარების წარმოჩენასა და განვითარებას უწყობს ხელს.
იხილეთ ფოტოები:
.png){kind=link}
