გენო ადამიას სახელობის სენაკის N1 საჯარო სკოლის მეოთხეკლასელები 15 ივნისს პირველ მასწავლებელს ემშვიდობებიან.
ეს, როგორც მოსწავლეთა, ასევე მათი პედაგოგისთვის - ნონა ფარულავასთვის ემოციური მოვლენაა.
ამასთან დაკავშირებით, საინტერესო და მრავალფეროვანი ღონისძიება ჩატარდა, სადაც მოსწავლეებმა შემოქმედებითი უნარები წარმოაჩინეს და პედაგოგს გაწეული ღვაწლისთვის მადლობა გადაუხადეს.
ბავშვები სადღესასწაულო სამოსში გამოეწყვნენ, იცეკვეს, იმღერეს, ლექსები წაიკითხეს და დამსწრე საზოგადოების დიდი მოწონება დაიმსახურეს.
„ნონა მასწავლებელმა თავის გამორჩეულ, ნიჭიერ მეოთხეკლასელებს გზა დაულოცა. თაობები თაობებს ცვლიან“, - გვიყვებიან სკოლაში.
როგორც სკოლაში აღნიშნავენ, წელს პირველკლასელებს განსაკუთრებულად ელოდებიან, რომლებსაც ასევე დიდი ენთუზიაზმით მიიღებენ.
აღსანიშნავია, რომ მსგავსი ღონისძიებები მოსწავლეთა მოტივაციის გაზრდას უწყობს ხელს.
იხილეთ ფოტო-ვიდეომასალა:
