გორის N1 საჯარო სკოლის VII^გ კლასის მოსწავლეები ნიკო ლომოურის ხსოვნისადმი მიძღვნილ ღია გაკვეთილში მონაწილეობდნენ. 

ღია გაკვეთილი გორში, ახალბაღის ტერიტორიაზე, გორის მუნიციპალიტეტის მემორიალური მუზეუმის ინიციატივით ჩატარდა. 

სკოლის წარმომადგენლის თქმით, VII^გ კლასის ხელმძღვანელმა ხატია მშვიდობაძემ მოსწავლეებს ცნობილი პედაგოგის ბიოგრაფია გააცნო. პედაგოგი მოზარდებს ასევე მწერლის შემოქმედებაზე ესაუბრა, განსაკუთრებით კი ,,ქაჯანა“ გამოარჩია. 

გაკვეთილის მსვლელობისას მოსწავლეებმა თემაზე -,,გორი და ნიკო ლომოური“ ღია დისკუსია გამართეს.  

ღონისძიების ბოლოს სკოლის აღსაზრდელებმა ნიკო ლომოურის საფლავი გვირგვინით შეამკეს.

გორის მუნიციპალიტეტის მემორიალურმა მუზეუმმა VII^გ კლასი მადლობის სიგელით დააჯილდოვა.

იხილეთ ფოტოები