დედოფლისწყაროს N2 საჯარო სკოლის მოსწავლეები ინტელექტუალურ თამაშში მონაწილეობდნენ
02-06-2023
დედოფლისწყაროს N2 საჯარო სკოლის მოსწავლეები სხვადასხვა ინტელექტუალურ აქტივობასა და შეჯიბრში მონდომებით ერთვებიან.
ამჯერად, ისინი ინტელექტუალურ თამაშში - „რა? სად? როდის?“ მონაწილეობდნენ, რომელიც ეროვნულმა არქივმა ჩაატარა.
„მადლობა ამ საოცარ გუნდს, წარმატებებს გისურვებთ მომავალში“, - აღნიშნავენ სკოლაში.
მოსწავლეებმა კონკურსში შესაძლებლობები წარმოაჩინეს და დრო ნაყოფიერად გაატარეს.
„მადლობას ვუხდით ჩვენი მუნიციპალიტეტის მერიას ჩვენი ტრანსპორტირებით უზრუნველყოფისათვის, მადლობა ჩვენი სკოლის ერთგულ მეგობარს - ვაჟა ჩერქეზიშვილს გვერდით დგომისთვის“, - ამბობენ სკოლაში.
მოსწავლეთა მრავალმხრივ განვითარებაზე სკოლაში აქტიურად ზრუნავენ და მათ წარმატებას მუდამ მხარს უჭერენ.
იხილეთ ფოტო:
სკოლების სიახლეები
