ოტია იოსელიანის სახელობის წყალტუბოს N1 საჯარო სკოლის მოსწავლეებმა საქართველოს დამოუკიდებლობის დღე გასვლითი ღონისძიებით აღნიშნეს.

VIII და X კლასის მოსწავლეები, დირექტორი ფაქიზო ფანჩულიძე და ისტორიის მასწავლებლები წყალტუბოს ეთნოგრაფიულ მუზეუმს ესტუმრნენ.

აღსანიშნავია, რომ მუზეუმის დიდ დარბაზში შედგა შემეცნებითი ხასიათის კონფერენცია.

როგორც სკოლაში გვიყვებიან, კონფერენციაზე IX^ბ კლასის მოსწავლე მარიამ კოვზირიძემ, XII^ბ კლასის მოსწავლე მარიამ გახოკიამ და VIII^გ კლასის მოსწავლე ლუკა ბენდელიანმა თავიანთი პრეზენტაციები წარმოადგინეს.

მოსწავლეებმა, ისაუბრეს საქართველოს დემოკრატიული რესპუბლიკის სიმბოლიკებზე და საქართველოს კონსტიტუციაზე, ასევე მათ გაიხსენეს 1918-1921 წლების საგარეო პოლიტიკური მნიშვნელოვანი მოვლენები.

აღსანიშნავია, რომ მოსწავლეებმა 26 მაისის ისტორიული მნიშვნელობის შესახებ ახალი ინფორმაცია მიიღეს, მათ საინტერესო ფაქტების შესახებ, ია კუხალაშვილი და ლალი მეშველიანი ესაუბრნენ.

აღსანიშნავია, რომ სკოლის დირექტორმა ფაქიზო ფანჩულიძემ მადლობა გადაუხადა მუზეუმს მასპინძლობისათვის, კათედრას კი მადლობის ნიშნად გადასცა სახელმძღვანელო - სამშობლოსა და ერი-სახელმწიფოსთვის (ზვიად გამსახურდიას ბიოგრაფიული პორტრეტი).

იხილეთ ფოტოები: