ჩაისუბნის N2 საჯარო სკოლაში საქართველოს დამოუკიდებლობის დღეს კონფერენცია მიეძღვნა
01-06-2023
ქობულეთის მუნიციპალიტეტის სოფელ ჩაისუბნის N2 საჯარო სკოლაში საქართველოს დამოუკიდებლობის დღე განსაკუთრებულად აღინიშნა.
ქვეყნის მთავარ ეროვნულ დღესასწაულს სასკოლო კონფერენცია - „26 მაისი - საქართველოს დამოუკიდებლობის დღე“ მიეძღვნა. კონფერენცია ისტორიის მასწავლებლის - ირმა რიონიძის ხელმძღვანელობით ჩატარდა.
კონფერენციაზე წარმოდგენილი იყო თემები:
- საქართველოს დამოუკიდებლობის აღდგენა;
- დამოუკიდებელი საქართველოს საშინაო პოლიტიკა;
- დამოუკიდებელი საქართველოს საგარეო პოლიტიკა;
- ერთა ლიგა და საქართველო;
- პირველი პარლამენტარი ქალები;
- სამხედრო საქმის ისტორიიდან 1918-1921წწ ;
- დიმიტრი უზნაძე -განათლების რეფორმატორი.
მოსწავლეთა მოხსენებები სასკოლო საზოგადოებისთვის მეტად საინტერესო აღმოჩნდა და მოწონება დაიმსახურა.
როგორც სკოლაში გვიყვებიან, მოსწავლეებმა სიღრმისეულად და შთამბეჭდავად წარმოადგინეს ინფორმაციები. საგნის მასწავლებელმა დიდი მადლობა გადაუხადა ყველა მომხსენებელს და უსურვა ერთიან დამოუკიდებელ საქართველოში მშვიდობიანი ცხოვრება.
იხილეთ ფოტოები:
სკოლების სიახლეები
