აკაკი ჩხენკელის სახელობის ხონის N2 საჯარო სკოლის პირველკლასელებმა სასწავლო წელი წარმატებით დაასრულეს.
სკოლაში, ბავშვებმა, პედაგოგ ნინო ჯიმშელეიშვილთან ერთად, ღონისძიება გამართეს.
„პირველი კლასის დასრულება ჩვენმა პატარებმა ლამაზი ზეიმით აღნიშნეს“, - გვიყვებიან სკოლაში.
ისინი სადღესასწაულო სამოსში გამოეწყვნენ, ლექსები წაიკითხეს, მუსიკალური ნომრები - ცეკვები, სიმღერები შესანიშნავად შეასრულეს და შემოქმედებითი უნარები წარმოაჩინეს.
სასკოლო საზოგადოებამ კი პირველკლასელებს წარმატება უსურვა.
„სკოლა არის ცოდნის სახლი,
განათლების აკვანი.
ბავშვობის და სიყმაწვილის
საოცნებო ზღაპარი!“, - ზღაპრის პირველი თავის დასასრულს გილოცავთ, ჩემო პატარებო!“ - წერს სოციალურ ქსელში მასწავლებელი ნინო ჯიმშელეიშვილი.
აღსანიშნავია, რომ მსგავსი ღონისძიებები მოსწავლეებს მოტივაციას უმაღლებს.
იხილეთ ფოტოები:
