„აურზაური ანბანეთში“ - თბილისის N190 საჯარო სკოლის პირველკლასელთა შთამბეჭდავი ღონისძიება  
30-05-2023
თბილისის N190 საჯარო სკოლაში პირველკლასელებმა სასწავლო წელი წარმატებით დაასრულეს.

I კლასში, რომლის დამრიგებელი ხათუნა ჟოჟიკაშვილი გახლავთ, ღონისძიება „აურზაური ანბანეთში“ ჩატარდა.

როგორც სკოლაში გვიყვებიან, ღონისძიებაზე ბავშვებმა „დედაენის გმირები“ დახვეწილი მეტყველებითა და სათანადო ინტონაციით გააცოცხლეს.

მათ შემოქმედებითი უნარები შესანიშნავად წარმოაჩინეს და ეს დღე დაუვიწყარი გახადეს.

ღონისძიებას მუსიკალურად უძღვებოდა - მუსიკის პედაგოგი - ქეთინო შოშიტაშვილი. 

დასასრულს კი, მოსწავლეებს სკოლის ადმინისტრაციამ და დამრიგებელმა წამახალისებელი სიგელები გადასცა.

აღსანიშნავია, რომ მსგავსი ღონისძიებები და აქტივობები მოსწავლეთა მრავალმხრივ განვითარებას ხელს უწყობს.
 
სკოლების სიახლეები
დაგვიკავშირდით
557 54 00 60
მოგვწერეთ
etaloniganatleba@etaloni.ge
მისამართი
0119, თბილისი, წერეთლის გამზ. #116 „დიდუბე პლაზა“ ოფისი 203