ახალქალაქის მუნიციპალიტეტის სოფელ მარტუნის საჯარო სკოლაში საქართველოს დამოუკიდებლობის დღე საინტერესოდ აღინიშნა.
სკოლაში, ქართული სექტორის I-IX კლასების მოსწავლეებმა დამრიგებლების ხელმძღვანელობით, დამოუკიდებლობის დღეს მრავალფეროვანი ღონისძიება მიუძღვნეს.
მოსწავლეებმა ღონისძიებაზე ლექსები მხატვრულად წაიკითხეს, იცეკვეს და საქართველოს ჰიმნი გააჟღერეს.
მათ შემოქმედებითი უნარები შესანიშნავად წარმოაჩინეს და ასევე ცოდნა აიმაღლეს.
აქტივობაში ისინი დიდი მონდომებითა და ინტერესით მონაწილეობდნენ.
26 მაისს საქართველოში დამოუკიდებლობის დღე აღინიშნება. 1918 წლის 26 მაისს თბილისში ეროვნულმა საბჭომ სახელმწიფოებრივი დამოუკიდებლობის აქტი მიიღო. საქართველოს დემოკრატიულმა რესპუბლიკამ, რომლის დამოუკიდებლობა ევროპის წამყვანმა ქვეყნებმა ცნეს, არსებობა არასრული სამი წლის თავზე, საბჭოთა რუსეთის მიერ განხორციელებული ოკუპაციის შემდეგ შეწყვიტა. საქართველომ დამოუკიდებლობის აღდგენა 1991 წლის 9 აპრილს შეძლო.
იხილეთ ფოტო-ვიდეომასალა:
