წყალტუბოს მუნიციპალიტეტის სოფელ გუმათის საჯარო სკოლაში მოსწავლეთა მონაწილეობით სხვადასხვა ღონისძიება და აქტივობა იმართება.
ამჯერად, სკოლაში „ანბანის ზეიმი“ ჩატარდა, სადაც მოსწავლეებმა, ქართველი ერის წინაშე ი.გოგებაშვილის ღვაწლი გაიხსენეს.
მათ ზეიმზე, დედაენისადმი სიყვარული, პატივისცემა ლექსებითა და სიმღერებით გამოხატეს.
მოსწავლეებმა შესაძლებლობები და შემოქმედებითი უნარები შესანიშნავად წარმოაჩინეს.
„ეს დღე გამორჩეული იყო იმითაც, რომ სკოლის მოსწავლეებს მოულოდნელი საჩუქარი გადასცა ამავე სოფლის მკვიდრმა - ბექა ჩარქსელიანმა, თავისი კეთილი მეგობრის მორის სენაშვილის შემწეობითა და დახმარებით. ეს იყო ზღვა ემოციებითა და შთაბეჭდილებებით აღსავსე დღე იყო გუმათის სკოლის ისტორიაში. მადლობა მათ პატარების გახარებისათვის. მრავალჟამიერ ამ კეთილ საქმეს!“, - აღნიშნავენ სკოლაში.
სკოლაში მოსწავლეთა შემოქმედებითი შესაძლებლობების განვითარებასა და მოტივაციის ამაღლებას მნიშვნელოვანი ყურადღება ექცევა.
იხილეთ ფოტოები:
