ახალციხის მუნიციპალიტეტის სოფელ ანდრიაწმინდის საჯარო სკოლის პირველკლასელებმა შთამბეჭდავი ღონისძიება - „ანბანის გაცილება“, მოაწყვეს.

ღონისძიებისთვის სცენა ფერადი ბუშტებითა და მრავალფეროვანი დეკორაციებით მოირთო, მოსწავლეები კი სასკოლო საზოგადოების წინაშე საგანგებოდ გამოწყობილნი წარდგნენ და მათ საინტერესო სანახაობა შესთავაზეს.
 
მოსწავლეებმა, კოსტიუმირებული თეატრალური წარმოდგენები გაითამაშეს, მუსიკალური და ქორეოგრაფიული ნომრები შეასრულეს და ლექსები მხატვრულად წაიკითხეს.

აღსანიშნავია, რომ სანახაობამ დამსწრეთა დიდი მოწონება დაიმსახურა. 

პირველკლასელები ასე, ემოციებით დატვირთულები და განწყობა ამაღლებულები დაემშვიდობნენ პირველკლასს. 

იხილეთ ფოტოები: