ლაგოდეხის მუნიციპალიტეტის სოფელ ბაისუბნის საჯარო სკოლაში მოსწავლეთა განვითარებასა და მოტივირებაზე პირველივე კლასიდან ზრუნავენ. ამისთვის პედაგოგები სწავლებისას თანამედროვე მიდომებსა და აქტივობებს იყენებენ.

შესაბამისად, პატარა მოსწავლეებისთვის სასწავლო პროცესი საინტერესო და ამავდროულად, სახალისოცაა. ამჯერად, მათ ანბანი „გააცილეს“. ამასთან დაკავშირებით, მრავალფეროვანი აქტივობებით გაჯერებული ღონისძიება გაიმართა.

მოსწავლეებმა სასწავლო წლის განმავლობაში ნასწავლი მასალა გაიხსენეს, მასწავლებლებს მადლობა გადაუხადეს, საზეიმოდ გამოეწყვნენ, შესაძლებლობები წარმოაჩინეს და დრო ნაყოფიერად გაატარეს. 

ეს დღე პატარა მოსწავლეებს სკოლაში დაუვიწყარ ზეიმად უქციეს, კლასი ბუშტებით იყო მორთული, ბოლოს კი, ტორტიც გაჭრეს. 

იხილეთ ფოტოები: