ხელვაჩაურის მუნიციპალიტეტის სოფელ ჭარნალის საჯარო სკოლაში პირველკლასელებმა სასწავლო წელი საზეიმო ვითარებაში დაასრულეს.
სკოლის Iა და Iბ კლასების მოსწავლეებმა, პედაგოგების - ნანა აბესლამიძისა და დონარი ჭელიძის ხელმძღვანელობით, ანბანი ღონისძიებით „გააცილეს“ .
„მოსწავლეებმა კიდევ ერთი ლამაზი საღამო გვაჩუქეს! ამჯერად, „ვემშვიდობებით ქართულ ანბანს!“, - აღნიშნავენ სკოლაში.
ღონისძიებაზე მოსწავლეებმა შესაძლებლოები მხატვრულ კითხვაში, სიმღერასა და ცეკვაში გამოავლინეს.
„მოსწავლეებს განუვითარდათ როლური თამაშების უნარ-ჩვევები, გამოუმუშავდათ ფართო აუდიტორიის წინაშე საკუთარი თავის წარმოჩენის უნარი!“, - გვიყვებიან სკოლაში.
აღნიშნული ღონისძიება საინტერესო და დასამახსოვრებელი იყო როგორც მოსწავლეთა, ასევე დამსწრე საზოგადოებისთვის.
„სკოლა მადლობას უხდის ორივე კლასის ნიჭიერ მოსწავლეებსა და მათ პედაგოგებს - ნანა აბესლამიძეს და დონარი ჭელიძეს. ასეთი ლამაზი და შინაარსიანი ღონისძიებისთვის!“, - ამბობენ სკოლაში.
მსგავსი ღონისძიებები და აქტივობები მოსწავლეთა შემოქმედებითი უნარების წარმოჩენისა და განვითარებისთვის მნიშვნელოვანია.
იხილეთ ფოტოები:
