ქობულეთის მუნიციპალიტეტის სოფელ ჩაისუბნის N2 საჯარო სკოლაში მრავალფეროვანი ღონისძიება - „ანბანთან გამოთხოვება“, გაიმართა.
ღონისძიებაში, Iა და Iბ კლასების მოსწავლეები მონაწილეობდნენ.
როგორც სკოლაში გვიყვებიან, მოსწავლეებმა,ზოგადად მიმოიხილეს ანბანის წარმოშობა და განვითარების ეტაპები, მათ ყურადღება გაამახვილეს „დედაენაზე“ და მის მნიშვნელობაზე.
აღსანიშნავია, რომ ღონისძიება მოსწავლეებმა მუსიკითა და ცეკვით გააფორმეს, რამაც დღე კიდევ უფრო შთამბეჭდავი გახადა. ღონისძიების თემატიკის შესაბამისი იყო დეკორაციული მორთულობაც და სცენის გაფორმებაც.
როგორც სკოლაში გვიყვებიან, მოსწავლეებს წახალისების მიზნით სიგელები გადაეცათ. აღსანიშნავია, რომ ღონისძიებას მასწავლებლები დირექციის წარმომადგენლები და მშობლები ესწრებოდნენ.
კლასების დამრიგებლები: ნატო თურმანიძე და დიდარი კონცელიძე გახლავთ.
„საოცარად მხიარული და ბეჯითი პატარები! წარმატებები და ბედნიერი მომავალი მათ“, - აღნიშნავენ სკოლაში.
იხილეთ ფოტოები:
