ხორენიის საჯარო სკოლაში „ბოლო ზარი“ საზეიმოდ დაირეკა
25-05-2023
ახალქალაქის მუნიციპალიტეტის სოფელ ხორენიის საჯარო სკოლიდან მე-12 კლასის მოსწავლეები საზეიმოდ, დიდი სიყვარულით გააცილეს.
კურსდამთავრებულებისთვის „ბოლო ზარი“ საზეიმოდ დაირეკა. ისინი შესაბამისად გამოეწყვნენ, სურვილები გაცვალეს, სკოლაში გატარებული წლები გაიხსენეს და მასწავლებლებს მადლობა გადაუხადეს.
გაიმართა ღონისძიებაც, რომლის მიმდინარეობაშიც ყველა დიდი მონდომებით, ხალისითა და ინტერესით ჩაერთო. მათ იმღერეს, იცეკვეს და საინტერესო ნომრები წარადგინეს.
კურსდამთავრებულებს სკოლის დირექტორი, მასწავლებლები და მოსწავლეები ემოციურად დაემშვიდობნენ და ცხოვრების ახალ ეტაპზე წარმატება უსურვეს.
იხილეთ ვიდეო და ფოტოები:
სკოლების სიახლეები
