მერაბ ჭელიძის სახელობის ხულოს მუნიციპალიტეტის სოფელ ირემაძეების საჯარო სკოლაში მოსწავლეთა მრავალმხრივ განვითარებასა და ცოდნის გაღრმავებაზე ორიენტირებული აქტივობები და გაკვეთილები ტარდება.
ამჯერად, სკოლაში მე-9 კლასის მოსწავლეებმა ვაჟა-ფშაველას შესახებ საინტერესო პრეზენტაცია მოამზადეს.
მათი ხელმძღვანელი შორენა გობაძე გახლდათ.
„მათ გამომეტყველებით წაიკითხეს ლექსები და ვაჟას შესახებ შეგროვებული ცნობები, აუდიტორიას გააცნეს“, - გვიყვებიან სკოლაში.
აღნიშნულ აქტივობაში ისინი დიდი მონდომებითა და ინტერესით მონაწილეობდნენ.
როგორც სკოლაში გვიყვებიან, აქტივობის მიზანი იყო მოსწავლეების ცნობიერების ამაღლების, დამოუკიდებელი აზროვნების, შემოქმედებისა და სოციალური უნარ-ჩვევების განვითარება.
მსგავსი პრეზენტაციები საგაკვეთილო პროცესში მოსწავლეთა ჩართულობას ზრდის.
იხილეთ ფოტოები:
