ახალციხის მუნიციპალიტეტის ვალის N4 საჯარო სკოლაში, პირველკლასელთა გამოსაშვები ღონისძიება გაიმართა.
როგორც სკოლაში გვიყვებიან, ღონისძიებაზე, მოსწავლეებმა სასწავლო წლის განმავლობაში შეძენილი ცოდნა წარმოაჩინეს, ლექსები და სიმღერები მიუძღვნეს დედაენასა და დიდ იაკობს, რომელმაც ქართული ასოები ერთ დიდ წიგნად შეკრა და ამით გადაარჩინა ქართული სიტყვა და ანბანი.
ღონისძიებაზე აღინიშნა, რომ ყველა ქართველი მოვალეა მუხლი მოიყაროს დედაენის წინაშე და ხმამაღლა თქვას - „გმადლობთ, დედაენავ, გმადლობთ!“.
სკოლაში გვიყვებიან, რომ პატარებისთვის განსაკუთრებული იყო დღევანდელი დღე, რომელიც ძვირფას მოგონებად დარჩება მათ მეხსიერებაში.
სკოლის დირექტორმა სიგელები გადასცა მოსწავლეებს სასწავლო წლის წარმატებით დამთავრებისთვის და მადლობა გადაუხადა მოსწავლეებსა და პედაგოგებს ლამაზი ღონისძიებისთვის.
იხილეთ ფოტოები:
