ოტია იოსელიანის სახელობის წყალტუბოს N1 საჯარო სკოლაში პედაგოგები, მოსწავლეებს მოტივაციის ამაღლების მიზნით, მრავალფეროვანი აქტივობებით გაჯერებულ გაკვეთილებს სთავაზობენ.
ამჯერად, სკოლის მე-8 ბ კლასში, ფიზიკის გაკვეთილზე კომპლექსური დავალების - „სამთო ქოხი მყინვარწვერის გზაზე“ - პრეზენტაცია ჩატარდა.
კლასის ხელმძღვანელი და საგნის მასწავლებელი - ირინა ალავიძე გახლავთ.
როგორც სკოლაში გვიყვებიან, კომპლექსური დავალება ცხოვრებისეულ სიტუაციასთან იყო დაკავშირებული.
„დავალება მოსწავლეებისგან მოითხოვდა სხვადასხვა ცოდნათა (ბიოლოგიიდან, გეოგრაფიიდან, ქიმიიდან) ინტეგრირებულად გამოყენებას, ექსპერიმენტის ჩატარებას და შემოქმედებითი პროდუქტის-პოსტერის ან PowerPoint-პრეზენტაციის შექმნას, რომელშიც უნდა აესახათ, თუ რა პრობლემებს ქმნის მთაში მოგზაურობა, აეხსნათ ფიზიკის თვალსაზრისით და მიეცათ რჩევები მთაში წამსვლელი გამოუცდელი ტურისტებისთვის“, - გვიყვებიან სკოლაში.
მოსწავლეები საგაკვეთილო პროცესში აქტიურად ჩაერთნენ და დავალება მონდომებით შეასრულეს.
„ვფიქრობ, ეს ყოველივე მოსწავლეთა უმრავლესობამ წარმატებით შეძლო, რასაც მოწმობდა მათი წარმოდგენილი მოდელები და პრეზენტაციები“, - გვიყვებიან სკოლაში.
გაკვეთილს ესწრებოდა სკოლის დირექტორი - ფაქიზო ფანჩულიძე და საზოგადოებრივ მეცნიერებათა კათედრის გამგე - თამილა თუთბერიძე. მათ გაკვეთილი დადებითად შეაფასეს.
აღსანიშნავია, რომ მსგავსი გაკვეთილები მოსწავლეთა მრავალმხრივ განვითარებასა და ცოდნის გაღრმავებას ხელს უწყობს.
იხილეთ ფოტოები:
