ფუთის საჯარო სკოლის მოსწავლე ანა ვაჭარაძე სასწავლო-კვლევით კონფერენციაში წარმატებით მონაწილეობისთვის დაჯილდოვდა
24-05-2023
ზესტაფონის მუნიციპალიტეტის სოფელ ფუთის საჯარო სკოლის მოსწავლეები სხვადასხვა საგანმანათლებლო პროექტსა და კონფერენციაში მონდომებით მონაწილეობენ, სადაც წარმატებას აღწევენ.
ამჯერად, სკოლის მე-9 კლასის მოსწავლე - ანა ვაჭარაძე 76-ე სასწავლო-კვლევით კონფერენციაში მონაწილეობდა, სადაც ის გეოგრაფიისა და ტურიზმის სექციის ფინალისტი გახდა.
მიღწეული წარმატებისთვის მას სიგელი გადაეცა.
კონფერენცია მოსწავლე-ახალგაზრდობის ეროვნულ სასახლეში 20 მაისს ჩატარდა.
აღსანიშნავია, რომ სასკოლო საზოგადოება მოსწავლეთა წარმატებას მუდამ მხარს უჭერს.
იხილეთ ფოტო:
სკოლების სიახლეები
