სამიქაოს საჯარო სკოლის მეთორმეტეკლასელთა შთამბეჭდავი „ბოლო ზარი“
24-05-2023
აბაშის მუნიციპალიტეტის სოფელ სამიქაოს საჯარო სკოლაში მეთორმეტეკლასელებისთვის „ბოლო ზარი“ საზეიმო ვითარებაში დაირეკა.
ბავშვებმა ერთმანეთს თეთრ მაისურებზე სამახსოვრო წარწერები დაუტოვეს.
სკოლაში ამ დღის აღსანიშნავად ღონისძიება მოეწყო.
მეთორმეტეკლასელებმა სკოლაში გატარებული 12 წელი გაიხსენეს, რამაც მათში სხვადასხვა ემოცია აღძრა.
ღონისძიებაზე მათ იცეკვეს, იმღერეს და შემოქმედებითი შესაძლებლობები შესანიშნავად წარმოაჩინეს.
დღე იქ მყოფი თითოეული ადამიანისთვის ემოციური იყო.
სასკოლო საზოგადოებამ მოსწავლეები სკოლიდან დიდი სიყვარულით გააცილა და მათ ცხოვრების ახალ ეტაპზე ბევრი წარმატება უსურვა.
იხილეთ ფოტო-ვიდეომასალა:
სკოლების სიახლეები
