ზაზა სულაბერიძის სახელობის ლანჩხუთის მუნიციპალიტეტის სოფელ ჩიბათის საჯარო სკოლაში საგაკვეთილო პროცესის გამრავალფეროვნებისა და მოსწავლეებში მოტივაციის ამაღლების მიზნით, საინტერესო გაკვეთილები და აქტივობები ტარდება. სკოლაში ასევე აქტიურად ფუნქციონირებს მათემატიკის კლუბი „ლაბირინთი“, რომლის წევრები შეხვედრებს აწყობენ.
ამჯერად, სკოლაში მათემატიკის კლუბ „ლაბირინთის“ მორიგი შეხვედრა გაიმართა.
კლუბის ხელმძღვანელები ლალი პატარაია და მარინა ტიშჩენკო არიან.
როგორც სკოლაში გვიყვებიან, აღნიშნულ დღეს მოსწავლეები პრეზენტაციას თემაზე - „მონაცემთა შეგროვება და ანალიზი“ გაეცნენ.
მათ მონაცემთა შეგროვების და წარმოდგენის ხერხებზე იმსჯელეს.
ისინი ჯგუფებად იყვნენ დაყოფილნი და დავალებები მონდომებით შეასრულეს.
„მოიყვანეს მაგალითები პირადი გამოცდილებიდან. ჯგუფებში შეასრულეს მოცემული დავალებები, რომლებიც წარმოადგინეს ცხრილის, სვეტოვანი დიაგრამის, პიქტოგრამისა და წრიული დიაგრამის მეშვეობით“, - აღნიშნავენ სკოლაში.
აქტივობაში მოსწავლეები დიდი მონდომებით, ინტერესითა და ხალისით მონაწილეობდნენ.
აღსანიშნავია, რომ მსგავსი გაკვეთილები მოსწავლეთა ცოდნის გაღრმავებისა და სასწავლო პროცესში ჩართულობის გაზრდისთვის მნიშვნელოვანია.
იხილეთ ფოტოები:
