ბათუმის N28 საჯარო სკოლაში სასწავლო პროცესი მოსწავლეთა განვითარებაზე, მოტივირებასა და ცოდნის გაღრმავებაზე ორიენტირებული აქტივობებითაა გაჯერებული. 

ამჯერად, პედაგოგ ნათია წულუკიძის ხელმძღვანელობით, მე-4 კლასში, ისტ-ის გაკვეთილზე მოსწავლეებმა MS Power-Point-ში პრეზენტაცია მოამზადეს. 

პრეზენტაციის თემა „იაკობ გოგებაშვილის ბიოგრაფია“ იყო. მოსწავლეებმა შესაბამისი ინფორმაცია მოიძიეს, დაახარისხეს, საინტერესოდ ისაუბრეს, შესაძლებლობები გამოავლინეს და ცოდნა გაიღრმავეს. 

აღსანიშნავია, რომ სკოლაში მოსწავლეთა ცნობიერების ამაღლებაზე ორიენტირებული აქტივობები თუ ღონისძიებები ხშირად ეწყობა.