ჩოხატაურის მუნიციპალიტეტის სოფელ ბუკისციხის საჯარო სკოლიდან მე-12 კლასის მოსწავლეები საზეიმოდ, უდიდესი სიყვარულით გააცილეს.
„და იმ ბედნიერ დღეს გაუმარჯოს, როცა თქვენ გაჩნდით ამ ქვეყანაზე“- სწორედ ამ სიტყვებით დაემშვიდობნენ კურსდამთავრებულებს მშობლიურ სკოლაში. მათთვის „ბოლო ზარი“ დაირეკა. მეთორმეტეკლასელები საზეიმოდ გამოეწყვნენ, სურვილები გაცვალეს, სკოლაში გატარებული წლები გაიხსენეს და მასწავლებლებს მადლობა გადაუხადეს.
გაიმართა ღონისძიებაც, რომლის მიმდინარეობაშიც ყველა დიდი მონდომებით, ხალისითა და ინტერესით ჩაერთო.
კურსდამთავრებულებს სკოლის დირექტორი - ციალა მახარაძე, მასწავლებლები და მოსწავლეები ემოციურად დაემშვიდობნენ და ცხოვრების ახალ ეტაპზე წარმატება უსურვეს.
იხილეთ ფოტოები: