ქვენობნის საჯარო სკოლაში ფრენბურთში შიდასასკოლო შეჯიბრი ჩატარდა
23-05-2023
ჩოხატაურის მუნიციპალიტეტის სოფელ ქვენობნის საჯარო სკოლაში მოსწავლეთა მონაწილეობით სხვადასხვა სპორტული კონკურსი და აქტივობა იმართება.
ამჯერად, სკოლაში, ფრენბურთის შიდასასკოლო შეჯიბრი ჩატარდა, სადაც ერთმანეთს მე-12 კლასის გუნდი და გოგონათა ნაკრები ეჯიბრებოდა.
მოსწავლეები აქტივობაში მონდომებით, ხალისით მონაწილეობდნენ.
მათ შესაძლებლობები წარმოაჩინეს და დრო ნაყოფიერად გაატარეს.
როგორც სკოლაში გვიყვებიან, შეჯიბრი მე-12 კლასის გამარჯვებით დასრულდა, რომელსაც გარდამავალი თასი გადაეცა.
აღსანიშნავია, რომ მსგავსი შეჯიბრებები მოსწავლეებს გუნდურობას ასწავლის, მათ მოტივაციას ზრდის და ბავშვებში სპორტის პოპულარიზაციას ხელს უწყობს.
იხილეთ ფოტოები:
სკოლების სიახლეები
