მალხაზ ბუცხრიკიძის სახელობის თერჯოლის მუნიციპალიტეტის ალისუბნის თემის N2 საჯარო სკოლაში მოსწავლეთა შემოქმედებითი უნარების წარმოჩენასა და განვითარებას მნიშვნელოვანი ყურადღება ექცევა. პედაგოგები, ბავშვებს მრავალფეროვან ღონისძიებებსა და აქტივობებს სთავაზობენ.
ამჯერად, მოსწავლეებმა, დამრიგებელ ელისო რობაქიძის ხელმძღვანელობით, საინტერესო ღონისძიება გამართეს.
„სასიამოვნო და დასამახსოვრებელი ღონისძიება გვაჩუქეს მეექვსეკლასელებმა, მაისის მოღრუბლული დღე გაანათეს და გააფერადეს, გვამოგზაურეს ბავშვობაში“, - აღნიშნავენ სკოლაში.
ღონისძიება ბუნებაში გაიმართა, რამაც კიდევ უფრო გაამრავალფეროვნა ის.
„ღონისძიებაზე პეპის სიტყვები გაგვახსენდა: „ვფიცავ, არასოდეს გავიზრდები იმაზე დიდი, რომ შემრცხვეს წვიმაში ყვავილების მორწყვა; „ქეციანი წვიმის გამო“ არ ღირს უკან დახევა და ბავშვურ ოცნებებზე უარის თქმა“, - აღნიშნავენ სკოლაში.
მოსწავლეებმა აღნიშნულ დღეს, დამსწრე საზოგადოების წინაშე საინტერესო სანახაობები წარადგინეს და შემოქმედებითი უნარები წარმოაჩინეს.
„პეპისავით უდარდელი და სიყვარულით სავსე ცხოვრება ვუსურვოთ მეექვსეკლასელებს თავის საყვარელ მასწავლებელთან ერთად“, - აღნიშნავენ სკოლაში.
მსგავსი ღონისძიებები მოსწავლეთა მრავალმხრივ განვითარებასა და მოტივაციის ამაღლებას ხელს უწყობს.
იხილეთ ფოტოები:
