საჩხერის მუნიციპალიტეტის სოფელ გორისის საჯარო სკოლაში მოსწავლეთა ჩართულობით სხვადასხვა საინტერესო პროექტი და აქტივობა ხორციელდება.
ამჯერად, სკოლაში სასკოლო პროექტის - „ხელი გაუწოდე ბუნებას“ და კლუბი „ისტორის“ პროექტ - „უსაფრთხო გარემოს“ ფარგლებში გარემოსდაცვითი აქტივობები დაიგეგმა.
მოსწავლეებმა საინტერესო, თემატური ნამუშევრები შექმნეს და შემოქმედებითი შესაძლებლობები შესანიშნავად წარმოაჩინეს.
„პროდუქტის შექმნისას გამოვიყენეთ: მუყაოს ქაღალდი, საამშენებლო თაბაშირმუყაოს ფილა, კბილის წკირები, მეორადი ფერადი ფურცლები, საღებავი, ეგრედწოდებული „ცხელი წებო-სილიკონი“, - აღნიშნავენ სკოლაში.
აქტივობებში მოსწავლეები ხალისით, ინტერესითა და მონდომებით ჩაერთნენ.
როგორც სკოლაში გვიყვებიან, პროექტი მდგრადი განვითარების მე-12 მიზანს ესადაგება.
„მადლობა მერვეკლასელებს და მათ მშობლებს პროექტის მხარდაჭერისთვის“, - აღნიშნავენ სკოლაში.
მსგავსი პროექტები მოსწავლეთა მრავალხმრივი განვითარებისთვის მნიშვნელოვანია.
იხილეთ ფოტოები:
