ბათუმის N6 ფიზიკა-მათემატიკის საჯარო სკოლაში, მოსწავლეთა აქტიური ჩართულობით, სხვადასხვა საკითხთან დაკავშირებით, საინტერესო პროექტები ხორციელდება.
ამჯერად, სკოლაში მე-6 გ კლასის მოსწავლეებმა, სასწავლო პროექტის ფარგლებში, სპექტაკლი - „თბილისი მაშინ, თბილისი ახლა“ გაითამაშეს.
მოსწავლეებმა სხვადასხვა როლი შესანიშნავად მოირგეს და შემოქმედებითი უნარები შესანიშნავად წარმოაჩინეს.
როგორც სკოლაში გვიყვებიან, პროექტი ინტეგრირებულად დაიგეგმა და მიზნად ისახავდა მე-19 საუკუნის თბილისის ისტორიის გაცნობას და მის სცენაზე „გაცოცხლებას“. ასევე, მე-19 საუკუნის თბილისური ყოფისა და თანამედროვე თბილისური ცხოვრების შედარებას.
პროექტს ხელმძღვანელობდნენ ამავე სკოლის ქართული ენისა და ლიტერატურის მასწავლებელი - ნატო ბერძული და ისტორიის მასწავლებელი მარიამ კუჭაშვილი.
აღსანიშნავია, რომ სკოლაში მოსწავლეთა შემოქმედებითი უნარების წარმოჩენასა და განვითარებას მნიშვნელოვანი ყურადღება ექცევა.
იხილეთ ფოტოები:
