თბილისის N48 საჯარო სკოლის XI კლასის მოსწავლეები კონფერენციაზე საკუთარი კვლევის შედეგების მოხსენებით წარდგნენ
თბილისის N48 საჯარო სკოლის მოსწავლეები სხვადასხვა საინტერესო აქტივობასა თუ პროექტში აქტიურად მონაწილეობენ.
ამჯერად, XI კლასის მოსწავლეები, თბილისის აგრარულ უნივერსიტეტში გამართულ, პროფესიონალ ქიმიკოსთა ასოციაციის ორგანიზებულ, მოსწავლეთა და მასწავლებელთა კონფერენციაზე საკუთარი კვლევის შედეგების მოხსენებით წარდგნენ.
კვლევა კბილის მინანქარზე ალკოჰოლური და არაალკოჰოლური სასმელების გავლენის შესწავლას ეხებოდა.
მოსწავლეები აქტივობაში პედაგოგ ნინო მიროტაძის ხელმძღვანელობით ჩაერთნენ, მათ შესაძლებლობები გამოავლინეს და დრო ნაყოფიერად გაატარეს.
აღსანიშნავია, რომ სკოლაში მათ მრავალმხრივ განვითარებაზე ყოველდღიურად ზრუნავენ.