დაბა ხარაგაულის N2 საჯარო სკოლაში საინტერესო პროექტები და აქტივობები ტარდება.
ამჯერად, სკოლაში სასკოლო კვირეული - „ჩემი თვალით დანახული აფხაზეთი“ ჩატარდა.
პროექტში სკოლის მე-8, მე-9 და მე-10 კლასების მოსწავლეები იყვნენ ჩართულნი, რომელთა პედაგოგი მარინე მაღრაძე გახლავთ.
კვირეულის ფარგლებში, მოსწავლეებმა საინტერესო თემებზე იმუშავეს.
მათ ასევე სკოლაში, აღნიშნულ თემაზე პრეზენტაციები წარადგინეს და ერთმანეთს ცოდნა გაუზიარეს.
პრეზენტაციაზე წარმოდგენილი იყო ინფორმაციები შემდეგ საკითხებზე: აფხაზეთის ისტორია უძველესი დროიდან დღევანდელობამდე, საცხოვრებელი გარემო, რელიგია, საერო და სასულიერო ძეგლები, ტრადიციები, სტუმართმოყვარეობა, ფოლკლორი.
როგორც სკოლაში გვიყვებიან, კვირეულის მიზანი იყო მოსწავლეთა ცნობიერების ამაღლება აფხაზი და ქართველი ხალხის საერთო წარსულის, ურთიერთობისა და ერთიანი თანაცხოვრების შესახებ.
აღსანიშნავია, რომ სკოლაში მოსწავლეთა სასწავლო პროცესში ჩართულობასა და მათ მრავალმხრივ განვითარებას მნიშვნელოვანი ყურადღება ექცევა.
იხილეთ ფოტოები:
