საჩხერის მუნიციპალიტეტის სოფელ გამოღმა არგვეთის საჯარო სკოლაში საინტერესო პროექტები და აქტივობები იმართება.
მათ შორის განსაკუთრებით აღსანიშნავია, პროექტი - „საქართველოს კუთხეები“.
პროექტის ორგანიზატორი საზოგადოებრივი და ესთეტიკური მეცნიერების კათედრა - მასწავლებლები: თამარ ზაბახიძე, ნონა კიპაროიძე და მარო ნოზაძე იყვნენ.
როგორც სკოლაში გვეუბნებიან, პროექტი ითვალისწინებდა საქართველოს კუთხეების: იმერეთისა და სამეგრელოს გაცნობას, ტრადიციებისა და წეს-ჩვეულებების პოპულარიზაციას მოსწავლეთა ცნობიერების ამაღლების მიზნით.
მოსწავლეები პროექტის ფარგლებში, საინტერესო ინფორმაციებს გაეცნენ და ცოდნა აიმაღლეს.
„პროექტი განხორციელდა მშობლების აქტიური ჩართულობით, რაც სკოლის წარმატების გარანტია. უღრმესი მადლობა სასკოლო საზოგადოებას, სკოლის დირექტორს - ნარგიზ სამხარაძესა და პროექტში მონაწილე თითოეულ მასწავლებელს და მოსწავლეს“, - აღნიშნავენ სკოლაში.
მსგავსი პროექტები მოსწავლეთა მრავალმხრივი განვითარებისთვის მნიშვნელოვანია.
იხილეთ ფოტოები:
