საგარეჯოს N1 საჯარო სკოლაში ინტელექტუალური თამაში გაიმართა
17-05-2023
საგარეჯოს N1 საჯარო სკოლაში სხვადასხვა სახის შემეცნებითი და ინტელექტუალური შეჯიბრი იმართება, რომელშიც მოსწავლეები მონდომებით მონაწილეობენ.
ამჯერად, სკოლის ინტელექტკლუბის აქტიური წევრების: გიორგი ქაიხოსროშვილის, ლაშა ესაიაშვილისა და ნიკოლოზ ნანუაშვილის ჩართულობითა და ორგანიზებით ინტელექტუალური თამაში - „რა, სად, როდის?“ ჩატარდა.
თამაში ორ ეტაპს მოიცავდა და გუნდური და მოაზროვნეთა კონკურსის პრინციპით წარიმართა.
მოსწავლეებმა შესაძლებლობები, ცოდნა წარმოაჩინეს და დრო ნაყოფიერად გაატარეს.
„სკოლა მადლობას უხდის ორგანიზატორებსა და მონაწილე მოსწავლეებს ჩართულობისა და საოცარი თამაშისთვის“, - აღნიშნავენ სკოლაში.
სკოლაში მოსწავლეთა მრავალმხრივ განვითარებასა და ცოდნის გაღრმავებას მნიშვნელოვანი ყურადღება ექცევა.
იხილეთ ფოტოები:
სკოლების სიახლეები
