საგარეჯოს მუნიციპალიტეტის სოფელ წყაროსთავის საჯარო სკოლაში სხვადასხვა საინტერესო კონკურსი და შეჯიბრი იმართება.
ამჯერად, სკოლაში განათლებისა და მეცნიერების სამინისტროს ინიცირებული პროექტის - „ოლიმპიური ფესტივალი სკოლებში“ ფარგლებში, სპორტულ გასართობი შეჯიბრი - „მხიარული სტარტები“ ჩატარდა.
შეჯიბრში სკოლის მოსწავლეები, მშობლები და მასწავლებლები მონაწილეობდნენ, სადაც მათ შესაძლებლობები წარმოაჩინეს.
აღნიშნულ დღის მონაწილე ასევე ცეკვის ანსამბლი - „ალავერდი“ იყო, რომლის ხელმძღვანელი გიორგი ასრატაშვილი გახლავთ.
როგორც სკოლაში გვიყვებიან, პროექტი ფიზიკური აღზრდის მასწავლებელმა - ოთო დევდარიანმა განახორციელა.
„დიდი მადლობა აღნიშნული პროექტის განხორცილებისთვის ფიზიკური აღზრდის მასწავლებელს - ოთო დევდარიანს, ასევე, მადლობა ცეკვის ანსამბლს - „ალავერდი“ და ხელმძღვანელს გიორგი ასრატაშვილს, რომელმაც დღე ქართული ცეკვებით გაგვილამაზა“, - აღნიშნავენ სკოლაში.
როგორც სკოლაში გვეუბნებიან, აღნიშნული პროექტი მიზნად ისახავდა მოსწავლეებში ოლიმპიზმისა და ჯანსაღი ცხოვრების წესის დამკვიდრებას და პოპულარიზაციას.
აღსანიშნავია, რომ სკოლაში მოსწავლეთა მრავალმხრივ განვითარებას მნიშვნელოვანი ყურადღება ექცევა.
იხილეთ ფოტოები:
